யாருக்கு என்ன இலாபம்?

எதையாவது 
பேசியாக வேண்டும் என்பதற்காகவே 
அவர் பேசியிருக்கலாம்...

தோசையில் 
நெய் குறைவுதான் என்றாலும் 
சட்னியை 
இரண்டாவது தடவையாகக் கேட்டேன்

எல்லோரும் கை தட்டினார்கள் 
வேறு வழியில்லை 
நானும் சேர்ந்து கை தட்டினேன்

பக்கத்து டேபிளில் 
போண்டா அழகாக உருண்டு கொண்டிருந்தது...

விழாவிற்கும் 
பேச்சிற்கும் சம்பந்தமேயில்லை... 
அவரை மேதை என்று புகழ்ந்தார்கள்...

வேற எதாவது வேணுமா சார்? - சர்வர்

காஃபி இங்கு நன்றாக இருக்கும் 
ஆர்டர் செய்தேன்...

அவையை விட்டுக் கிளம்பும் போது 
சுயமிகள் அதிகமாக எடுத்துக் கொண்டோம்... 
அவரது புன்னகை 
காலரைத் தூக்கி விட்டுக் கொண்டது

பில்லோடு 
சர்வருக்கு 20 ரூபாய் டிப்ஸ் வைத்தேன்... 
சேவை நன்றாக இருந்தது...

என்னதான் பேசினார் என்று 
இப்போது வரை ஒன்றும் புரியவில்லை

யாருக்கு என்ன இலாபம்?

- மு.முகமது பாட்சா*
31/08/2019