விபச்சாரி என்றே
மொழி பெயர்த்துக் கொள்ளுங்கள்
இரவில்
அப்படி வாசிக்கத்தான்
உங்களின் மொழிக்கூறுகளை
நன்றாக வளைத்து வைத்திருக்கிறீர்கள்...
பிறப்பின ஆவணங்களில்
கறை படிந்த உதிரப்பெருக்காய்
ஒரு மூலையில் அமர்ந்திருக்கிறது
தீட்டு...
சுவையுருட்டு நாக்குகளின் எச்சில்
புணர்கிறது
மிச்சமிருக்கும் சதைத் துண்டங்களை
எழுதாத விதியில்
கொடியொன்றைக் கையில் கொடுத்து
விடுதலை என்றீர்கள்
நீங்கள் அதில் கட்டியிருப்பது
எங்களின் கறைபடிந்த ஜட்டிகளைத்தான்
நீங்கள் திருந்தப் போவதில்லை
விபச்சாரி என்றே
மொழி பெயர்த்துக் கொள்ளுங்கள்
இரவில்
அப்படி வாசிக்கத்தான்
உங்களின் மொழிக்கூறுகளை
நன்றாக வளைத்து வைத்திருக்கிறீர்கள்...
-மு. முகமது பாட்சா*
31/08/2019
No comments:
Post a Comment