தைபா - 5
மூடி கிடக்கும் அறைக்குள்ளேயே
முடங்கிக் கிடக்கிறேன் தைபா!
மூச்சு முட்டுகிறது ...
காற்றாக வந்து கதை சொல்வாயா?
ஷெனாயின் துளைக்குள்ளே நுழைந்து
துள்ளி விளையாடுவோம் வா...
பிரபஞ்சத்தினசை
காதலென்று இனி மொழி பெயர்ப்போம்!
அட்சரங்களை
ஆரம்பத்திலிருந்து கற்றுக் கொள்ளட்டுமா?
அப்போதாவது
உன் விரல்கள் வழியாகச் சுவாசிப்பேன்!
உன்னை நேசிப்பதால்
நோயானேன் என்று பிதற்றுகிறார்கள்
ஆனால்; நீயே எனக்கு
மருந்தென்று அவர்களுக்குத் தெரியாது!
- முகமது பாட்சா*
18/07/2020
No comments:
Post a Comment