கண்கள் துப்பிய எச்சில்

ட்ராலியா 
கிரேன்ஷாட்டா என்பதை 
கோணம்தான் நிர்ணயிக்கிறது.... 
மேகம் வளையம் போட்டு தடுக்க 
லைட்டிங் பாய் 
ஒளித் தகடுகளை நகர்த்திக் கொண்டேயிருந்தான் 
காமிரா 
அப்ஸ்குராவை அசைபோட்டுக்கொண்டது 
இருண்ட அறையின் விளக்காய் விழுந்த பிம்பம் 
நிஜத்தை நிழலாக்கி 
நிழல்கள் 
இன்று நிஜங்களாக வடிகட்டிக்கொள்வது 
வியப்பின் அரிச்சுவடிகள்... 
ஷாட் ரெடி... டேக் 1 சீன் 1 
கிரேனிலிருந்து இறங்கிய கண்கள் 
அவளின் அதரத்தில் ஊடுருவி 
ஆடைகளை வளைத்து விழுங்கியது... 

சீன் 2 
காமிராவில் விழுந்தவளைத் துப்பிய வெளிச்சம் 
திரையில் தெரிக்க 
விசில் சப்தம் 
அவளுக்கு விளக்கை ஏற்றிக் கொண்டிருக்க 
ட்ராலியுடன் கண்கள் 
அடுத்த ஷாட்டிற்கு ரெடியாகிக் கொண்டிருந்தது.
லைட்ஸ் ஆன் 

-மு.முகமது பாட்சா* 
30 /12 /2018