சுவாச வார்த்தைகள்

மொழி கூட்டிற்குள்ளமர்ந்து 
எதையோ 
தேடிக் கொண்டிருக்கிறேன் 
சாவகாசமாக - நீ 
தேநீர் அருந்திக் கொண்டிருக்கிறாய்... 
சன்னல் வழியாகச் சில கண்கள் 
நம்மைத் தின்று போகின்றன.... 
வார்த்தைகளை 
வெதுவெதுப்பாகவே 
தொண்டைக்குள் வைத்திருக்கிறாய்... 
சில நேரம் அவை மிக்ஸியில் 
அரைந்து கொண்டிருக்கின்றன.... 
உலை கொதிக்கும் போது 
அதற்குள் விழுந்தும் வேகிறேன்.... 
பசி பொதுவாகிவிடுகிறது 
ஜனநாயகத்தேடல் அஃதொன்றுதானே 
தேடிய வார்த்தையை 
உன்னருகில் வைத்துவிட்டு 
உணவருந்துகிறேன் 
உன் புன்னகையில் 
சில வார்த்தைகள் உதிர்கின்றன.... 
உணவின் சுவையில் 
அழகிய மலர்கள் பூத்து சிரிக்க... 
ஜீரணசுவாசத்தில் 
பட்டாம்பூச்சிகள் மெல்லப் பறக்கின்றது .

- நட்புடன்.....முகமது பாட்சா*
23 /01 /2019