ஹலோ

- ஹலோ! 
விளிம்பில் நிற்கும் வார்த்தை 
எப்போதும் குதிக்கலாம்... 
- ஹலோ! 
உன் வார்த்தைகளின் சூடு 
என் காதுகளில் பரவியப் பரவசம்... 
- ஹலோ! 
என்னிதயம் துடிப்பதை 
உன் விழிகள் எப்படியறிந்தன ? 
- ஹலோ! 
உன் குரலில் நான் 
புதைந்து கொண்டிருக்கிறேன் தோழி... 
- ஹலோ! 
நலம் என்பதில்தான் 
எத்துணை அழகான பொய்... 
- ஹலோ! 
வைத்துவிடவா என்பதை 
இருவருமே விரும்பவில்லை... 
- ஹலோ! 
இணைப்பை இழந்த பின்பும் 
என் காதுகளில் உன் குரல்... 
- ஹலோ! - ஹலோ! - ஹலோ... 

- மு.முகமது பாட்சா* 
10 /02 /2019