கருகும் வாசனை

பதமான கத்தியொன்றால் 
வெங்காயத்தை நறுக்கியவள் 
மழையை ரசித்துச் சிரித்தாள் 
மேகத்திற்கு யார் 
இன்னல் செய்திருக்கக்கூடும்? 
முட்டையை உடைக்கும் போது , 
அவனின் முறிவு
நினைவில்  வந்து போனது... 
இரவை உடுத்திக் கொள்வதாக
சொன்னவன் 
பகலில் 
புத்த சிற்பத்தோடு நடந்து செல்ல 
அமைதி 
அவளிடம் மட்டும் வந்து 
அமர்ந்துகொண்டது... 
வயிற்றிற்குள் எட்டி உதைத்த 
வாழ்க்கையைத் தடவிப்பார்த்தாள்

'முட்டைத் தீய்ந்து கருகும் வாசனை' 

- மு.முகமது பாட்சா*
13 /02 /2019