ஸ்டெரிலைட் துப்பாக்கிச்சூடு

உரிமையின் விலை உயிர்கள் 


சுடும் வரை சுடுங்கள் 
தோட்டாக்களின் தூரம் 
மிகமிகக் குறைவு 

வாயுக்களால் சாகிறவர்கள் 
துப்பாக்கி ரவைகளுக்கு 
சாவதில் அதிசயம் நிகழ்ந்திடாது 

இறந்தவர்களுக்கு 
பணமுடிப்பு வழங்கலாம் 

தூங்கும் நீதிமானைக் கொண்டு 
விசாரணை வைக்கலாம் 

உயிர்களின் மீதுதானே 
உங்களின் 
ஆட்சி அமர்ந்திருக்கிறது 

பேடிகளே 

சுடும்வரை சுடுங்கள் 
தோட்டாக்களின் தூரம் 
மிகமிகக் குறைவு 

தலைவியின் 
பிணத்தின் மீதே 
நாற்காலி போட்டவர்கள் நீங்கள் 

தலைவியென்ன 
இன்னமும் 
தங்கக் கட்டிலிலா உறங்குகிறார் 

பணத்தின் வரலாறு படித்த நீங்கள் 
புரட்சி பிணங்களின் 
வரலாற்றைப் படித்ததில்லை 

பேடிகளே 
சுடும் வரை சுடுங்கள் 
தோட்டாக்களின் தூரம் 
மிகமிகக் குறைவு 

-மு. முகமது பாட்சா -
22/05/2018