சாதிக்கத்தான் வழியில்ல

எழுத்துக் கூட்டிப் படிக்கக் கூட 
எங்களால முடியல! 
பறையடிக்கும் அப்பனுக்கோ 
பாடமொன்னும் புரியல! 
சொல்லித் தரும் வாத்திக்கோ 
தொட்டுப் பேசப் புடிக்கல! 
"படிச்சி யென்ன ஆவப் போற?" 
நக்கலுக்கும் குறைவில்ல! 
சாதியின்னும் பேதியின்னும் 
சொல்லுறதுப் புரியல! 
சாதிக்க நெனச்சாலும் - இங்க 
சாத்துக்கழிச் சரியில்ல! 
விளக்குக் கூட எங்களுக்கு 
ஒழுங்காதான் கிடைக்கல! 
வீதியில நடந்து போனா 
நாத்தப் பார்வைப் புடிக்கல! 
நாடுவிட்டு நாடுபோக 
எங்களுக்கும் தெரியல! 
சோத்துக்கும்தான் வழியில்ல 
படிப்புக்கும்தான் சுகமில்ல... 
சோதனைக்குப் பொறந்த கூட்டம் 
சாதிக்கத்தான் வழியில்ல!

- மு.முகமது பாட்சா*
07/05/2016