பறையடிப் பெண்ணே பறையடி
பத்து காத தூரம்
கேட்கும்வரை பறையடி
ஒப்பனைகள் நமக்குத் தேவையில்லை
ஒத்தசுதந்திரம் கேட்டுப் பறையடி
கட்டும் குழலை நாம் கழற்றி வைப்போம்
காகிதத் தோரணை வேண்டாமே
பற்றும் சாதிகளைப் படையல் வைத்து
பாடிக் கொண்டுபோய்ப் புதைப்போமே (பறையடி)
சொத்துச் சுகங்கள் எல்லாமே
பெண்ணிற்கும் சமமாய்க் கிடைத்திட பறையடி
ஒத்த மனத்துடன் வாழ்வதற்கே
கணவன் உரிமை கொண்டானென்று பறையடி (பறையடி)
மாகாளி வேசங்கள் தேவையில்லை
மதிப்புடன் வாழவே பறையடி
ஆதிக்கம் பெண்மைக்குள் காலை வைத்தால்
ஆங்காரம் சூடி நீ பதற அடி (பறையடி)
- மு.முகமது பாட்சா*
ஓவியம் : Ravi Palette - நன்றி!
10/06/2018
No comments:
Post a Comment