யாரென்ற கேள்வி

யார் நீங்க? 
மோசனமான கேள்வியல்ல 
எதைக் கொண்டு வந்தாய்? 
எதைக் கொண்டு போகப் போகிறாய்? 
பகவத் கீதையில் கேட்ட கேள்வி 
கேள்விகள் கேட்காமல் 
தேர்வுகள் நடப்பதில்லை 
நீயுமா புருட்டஸ்? என்ற கேள்வி 
ஆச்சரியக்குறியானது சீசரின் வியப்பில் 
ஏலீ! ஏலீ ! என்னை ஏன் கைவிட்டீர்? 
என்பதே ஏசுவின் கடைசிக் கேள்வி 
கடவுள் என்பவன் யார்? 
சாக்ரட்டீஸின் கேள்வி சுற்றி வருகிறது 
ஏன்? எதற்கு ? எப்படி? என்ற கேள்விகளில் 
விடைத்தெரியாத ஆச்சரியங்கள் 
இருக்கின்றன 
நான் யார் ? என்ற கேள்வியை 
யாரும் இறக்கி வைக்கவில்லை 
கேள்விகளைக் கண்டு பயந்து ஓடுகிறவன் 
ஆட்சிக்காக அரிதாரம் பூசுகிறவன் 
கேள்விகள் எப்போதும் இறப்பதில்லை 
அஃது இறந்துவிட்டால் 
பதில்கள் முடமாகி மடிந்துவிடும். 

- மு.முகமது பாட்சா* 
01 /06 /2018