உடையும் கோப்பை

தேநீர்க் கோப்பையில் 
எங்கோ விரிசல் இருக்கிறது.... 
வழிகிறது என் ரகசியங்கள்
. 
போதி மரத்தை அரிக்கும் 
செல் பூச்சிகளுக்குத் தெரியாது.... 
புத்தனின் வரலாறு 
. 
புதையலான - என் புற வெளி... 
புழுதியில் புரள்கிறது...
செல் பூச்சிகள் காத்திருக்கின்றன... 
அதற்கான உணவினைத் தேடி 
. 
மக்கி மண்ணாகப் போவது 
மரம் மட்டுமல்ல 
உயிர் வழியும் கோப்பையும் தான்
. 
நிலவின் முகம் காட்டுகிறது 
பனித் துளிகள்..
விடியலில் அவை உடைந்து போகும்....
நிலவு மட்டும் வானத்தில்... 
என்றுமே நிரந்தரமாக.

- மு.முகமது பாட்சா*
மீள் 11/01/2016