எண்ணிய நட்சத்திரங்களின்
எண்ணிக்கையில்
சில குறைகின்றன!
நிலவு களங்கம் பூசிக்
கருத்துக் கிடக்கிறது!
கார் மேகங்கள்
களவுப் போய் விட்டன!
கடலில்
இரண்டு மீன்களைக் காணோமாம்,
மீனவன் வலைகளிலும்
அவை சிக்கவில்லை?
பூக்களின் நறுமணம்
சற்றே குறைகிறது
.
படைப்புகளின் திருடி
நீயாகத்தான் இருக்க வேண்டும்
எடுத்திருந்தால் - அவைகளிடமே
திருப்பிக் கொடுத்து விடு
படைப்புகள் பரிதவிக்கின்றன!
- மு.முகமது பாட்சா*
04/01/2016
No comments:
Post a Comment