ரூஹ் - ரமலான் 14

ரூஹ் - ரமலான் 14

ரூஹ் என்பது எப்படி இருக்கும்? 
காற்றில் மிதக்கும் சிறகுகள் போன்றா? 
அல்லது புல் குழலில் நுழையும் 
இசையைப் போன்றதா ? 
பனிக்குள் மிளிரும் குளுமையின் உள்ளே 
மிதக்குமாவி நிழலைப் போன்றதா? 
சிதறிவிழும் தஸ்பீக் மணிகளின் 
அறுந்துகிடக்கும் நூலைப் போன்றதா? 
கணக்கும் பொழுதில் மறையும் வெப்பம் 
ரூஹ் என்றே நீ சொல்வாயா? 
காற்றிலாடிடும் பதுமைகள் போலே 
நூற்றிலொரு வேசம் நூற்பதே நம் வேலை... 
பாட்டில் களிப்போம்... 
பந்தம் சூழ்க் காற்றில் மிதப்போம்... 
வேற்றிலினம் கண்டு வேதனைகள் செய்வோம்... 
பொன்செய் பொருட்கூட்டில் 
பொக்கிசமாய் அமர்ந்து கொள்வோம்.... 
கையில் கிடந்த காலம் மாறி 
காலூன்றி நடந்ததை மறந்துவிட்டோம்... 
பையில் இருந்து வந்தவர்கள் 
பொய்யில் போவதில் ஆச்சரியமில்லை... 
மெய்யில் இருந்த காலத்திலும் 
மெய்க்குள்ளிருந்த ரூஹை மறந்தோம்... 
சிந்தியுங்கள் 
ரூஹ் என்பது எப்படித்தான் இருக்கும்?

- மு.முகமது பாட்சா*
21/05/2019