அபூபக்கர் சித்திக் - ரமலான் 8

அபூபக்கர் சித்திக்  - ரமலான் 8

மதீனத்து நகரக் கடை வீதி 
மகத்தான மனிதரின் பாதச்சுவடுகளை 
ஏந்திக்கொள்கிறது... 
ஹலால் என்பதே ஆகுமானது 
அண்ணல் நபி ஸல் காட்டிய அற்புத வழி... 
வியர்வைகூட உழைப்பின் முத்துகள்... 
சித்திக் அபுபக்கர் ரலியின் முதுகில் 
விற்பனைக்காகத் துணி மூட்டை... 
கலீபாவா ! 
ஆச்சரியம் வேண்டாம்... கலீபாதான்... 
உமர் ரலியின் கண்கள் சிவக்கின்றன.. 
'ஆட்சியாளர் 
நேரத்தை வீணாக்குகிறார் '... 
'ஆட்சியாளருக்கும் குடும்பம் இருக்கிறதே!' 
மாத ஊதியம் மன நிறைவிற்காக... 
நிர்வாகக் குழுவின் 
பரிந்துரையே போதுமாகவிருந்தது... 
அதிலும் மிச்சமாக்கி 
இனிப்பும் அளித்தார் துணைவியார்... 
அபூபக்கருக்கு 
அதுவும் கசப்பாகவே இருந்ததால் ஊதியத்தைக் 
குறைத்துக் கொண்டார்... 
சித்திக் அல்லாவா ... 
சித்திக் என்றால் உண்மையாளர் அல்லவா! 
அவர் இறக்கும் நேரம் 
உமரிடம் வந்தது கலீஃபாவின் பொறுப்பு.. 
அவரிடம் ஒப்படைத்ததில் 
சில அரசாங்க சொத்துகளும் இருந்தன 
ஓர் ஈச்சம் பாய் 
சில மரச் சாமான்கள் 
ஒரு தண்ணீர் வைக்கும் தோல் துருத்தி.

- மு.முகமது பாட்சா*
14/05/2019