நிழலோடு விளையாடு

1 

நிழலென்பது நிழலாக இருக்கும் வரை 

பிரச்சனையில்லை 

நீளும் போது

பயமாகத்தான் இருக்கிறது... 

2 

சன்னலுக்குள் நுழையும் நிழலுக்கு 

வெளிச்சத்துடன் உடன் படிக்கை 

3 

நீருக்கு நிழலிருக்கிறதா 

என்பது விவாதம் 

நீருக்குள் நிழலிருக்கிறது 

என்பது நிதர்சனம். 

4 

நிழலைப் 

பிடித்து விளையாடுகின்றன குழந்தைகள் 

நிழல் 

நிழலையே பிடித்து விளையாடுகின்றது. 

5 

பூமிக்குக் குடை பிடிக்கின்றன 

நிழல்கள் 

நன்றியென்பதும் நிழல்தான். 

-மு.முகமது பாட்சா*

07/05/2019