செல்லாத நோட்டுகள்

காற்றை அனுமதிக்கச் சொல்லி 
ஒருத்தன் அலறிக் கொண்டிருந்தான், 
பாக்கெட் தண்ணீரைத் தெளித்தும் 
பயனில்லை ! 
முதியோர் பென்ஷனுக்கான கார்டு 
அவர் வயதைச் சொல்லியது, 
மருத்துவமனையின் சீட்டொன்று 
அவர் வியாதியைச் சொல்லியது, 
ஒரு துண்டு சீட்டில், 
மருத்துவச் செலவின் தோராயக் கட்டணம் 
முப்பதாயிரமாம் ! 
வங்கியின் புத்தகம் , 
நேற்றில் பெற்றதாக இருபதாயிரம் காட்டியது, 
கையில், ஐந்நூறு நோட்டுகளாக ஒரு சில நோட்டுகள் ! 
வங்கியில் பணம் இல்லையாம் ! 
! ! ! 
ஆம், 
அதிர்ச்சியில்தான் செத்துப் போனார், 
அடக்கச் செலவிற்கும் பணமில்லாமல் ! 
* 
செல்லாத நோட்டுகளில் 
ரிசர்வ் வங்கி ஆளுநரின் , 
செல்லாத கையெழுத்துகள் !

-மு.முகமது பாட்சா

ஓவியம் : முகமது பாட்சா
29/11/2016