கதம்பம்

கொடுத்துவிட்டுப் போன 
பூங்கொத்திலிருந்து 
நாகமொன்று வெளிவந்தது !



"பூங்கொத்தை வீசி விடு 
என்னைவிட 
அதுதான் விஷமானது" என்று 
நாகம் 
சொல்லிவிட்டு நகர்கிறது !

***



இசைக்கும் 
உன் விரல்களுக்குத் தெரியாது
இசைப்பது
என் பெயரென்று!

***

பறவைகள்
திரும்பி விட்டன...
கூடுகளைக் காணவில்லை!

***



இருளை 
ஓட்டத் தெரிந்த
மெழுகுவர்திக்கு
வாழ்க்கையை
காப்பாற்றிக் கொள்ளத் 
தெரியவில்லை

***



வண்ணத்து பூச்சியின் சிறகுகளில்
உழைப்பின் வியர்வைகளாய்....
மகரந்த துகள்கள்!

***


ஒரே முறைதான்
கன்னத்தில் அறைந்தேன்
காயம்
இடம் மாறி விட்டது!
வலி யில்லாமல்
எப்படி 
சுற்றித் திரிகிறாய்?

***


கண் இழந்தவன்  காதல்
கண்திறந்தது
இதயத்தின் வழியாய்

***

- மு.முகமது பாட்சா