சாட்டையெடுத்துச் சுழற்றுத் தோழா
சாட்டையெடுத்துச் சுழற்று !
மாட்டுத்தோலை உரிக்கும் உன்னை
வாட்டி வதைக்கும் மனிதன் தோலை
மாட்டி உரிக்க என்ன தயக்கம் ?
நிமிர்ந்த உன்னைக் குனியச் செய்ய
முதிர்ந்த வேதத் தந்திர மனிதர்
செய்யும் சூழ்ச்சி இதுவென் றறிந்து...
சாட்டையெடுத்துச் சுழற்றுத் தோழா !
சாட்டையெடுத்துச் சுழற்று !
சட்டைப் போட தடுத்த முறையர்
எச்சில் கழுவ விதித்த தரையர்
இச்சயம் நிறைந்த சாதி வெறியர்
மிச்சமிருக்க விட்டு விடாதே ...
சாட்டையெடுத்துச் சுழற்றுத் தோழா !
சாட்டையெடுத்துச் சுழற்று !
அடிமைப்பட்டுக் கிடந்தது போதும்
படிமைப் பொருளாய் வாழ்ந்ததும் போதும்
சிறுமை மீண்டும் சூழும் முன்னே...
சாட்டையெடுத்துச் சுழற்றுத் தோழா !
சாட்டையெடுத்துச் சுழற்று !
- மு.முகமது பாட்சா
No comments:
Post a Comment