இரத்த நக்கிகள்

இரத்தச் சேற்றினை 

உழுது கொண்டிருக்கிறது 

காவல் கலப்பைகள் , 

தழைக்கும் பயிர்கள் 

தரிசு நிலத்தில் புதைந்து கொண்டு , 

ரோஜாக்களின் தேசத்தில் 

வண்ணங்களைக் கூட்ட 

முஸ்லிம்களின் உதிரங்கள் ...

ஓநாய்கள் 

ஓரணியில் நின்று கொண்டிருக்க

காந்தி மண்ணில் கலவரம் 

மீண்டும் காட்சியாகிறது ,

தூங்குகின்றன 

ஊடக உறுமல்கள்....

இலங்கையின் 

இன்னொரு படிமானமா இது?

இரத்த நக்கிகளே 

நீங்கள் புறாக்களின் வடிவினில் 

கண்ணீர் வடித்தாலும் 

உங்கள் மூச்சுக் காற்றினில் வீசுகிறது 

உதிரத்தின் நாற்றம் ,

இரத்தப் பூமியில் 

ரோஜாக்களென்றும் விளைவதில்லை ... 

பார்த்துப் போங்கள் 

புதைந்து கிடக்கும் உடல்கள் 

மீண்டும்  உயிர்த்தெழப் போகின்றன 

-மு.முகமது பாட்சா