அவிழ்த்துவிடு..

உன் வார்த்தைகளை 
போர்வை போர்த்தித் 
தூங்க வைத்துவிட்டு 
என் வார்த்தைகளை மட்டும் 
தோரணம் கட்டி 
தொங்க விட்டிருக்கிறாய், 
மனதைச் சிதைத்த வார்த்தைகளை 
உடனே அவிழ்த்துவிடு, 
வார்த்தைகளை 
கூர்மைத் தீட்டி வைத்திருக்கிறேன், 
மௌனம் குலைத்த வார்த்தைகளை 
மௌனமாக 
எப்படிக் கடந்து போவது ? 
என் மொழியின் மௌனம் 
உன் மொழியின் ஆதிக்கமென 
நினைத்துவிட்டாய், 
சுழன்றடிக்கும் 
சூறாவளிக்கு முன்பாக 
ஒத்திகைப் 
பார்த்துக் கொண்டிருக்கிறது 
என் வார்த்தைகள், 
முடிந்தால் காப்பாற்றிக் கொள் 
உன் வார்த்தைகளை... 

- மு.முகமது பாட்சா