அதன் கதை

அந்தப் பறவைக்கும் 
எனக்குமான உரையாடலில் 
யார் யாரோ வந்து போகிறார்கள்! 
காலொடிந்து வீழ்ந்தக் கதையை 
அழுகையோடு சொல்கிறது 
அந்தப் பறவை ! 
நானும் என் துயரக் கதைகளை 
அதனிடம் சொல்லி வைக்கிறேன் ! 
எங்களின் நட்பு 
கால் குணமாகும் வரை நீடிக்கலாம் ! 
பறந்துச் சென்றபின் திரும்பி 
வரலாம் ! வரமாலும் போகலாம் ! 
என் கதை அதனிடமும் 
அதன் கதை என்னிடமும் 
ஒரு மூலையில் உட்கார்ந்திருக்கும் 
பாரங்களை 
கழற்றி வைத்த நிம்மதியோடு ! 

- மு.முகமது பாட்சா