அனுமதியில்லாத காதல்

 

நீயென்னைப் பார்க்க வர வேண்டாம்... 
என் வார்த்தைகள் 
உன்னையே சுற்றிச் சுற்றி வருகின்றன, 
உன் மௌனத்தை 
என் வார்த்தைகளால் மொழி பெயர்க்க முடியும், 
நீயென்னைப் பார்க்காவிட்டாலென்ன ? 
என்னிதயன் 
உன்னைப் பார்த்துக் கொண்டிருக்கிறான், 
உன்னைத் தொட்டுச் செல்லும் காற்று 
அவன் கவிதைகளையும் சுமந்துதான் 
உன்னைத் தழுவி போகிறது.... 
உன் சிணுங்கலில் பதுங்கிச் செல்லும் 
பட்டாம் பூச்சியின் சிறகுகளில் 
அவனது காதல் வண்ணம் ஒட்டிக் கொண்டிருக்கிறது... 
நீ பார்க்காவிட்டாலென்ன ? 
என்னிதயன் 
உன்னை மட்டுமே பார்த்துக் கொண்டிருக்கிறான், 
கனவுகளின் தேசத்தில் மட்டும் நுழைந்துவிடாதே... 
அவனுக்கு அங்கே 
அனுமதி மறுக்கப் பட்டிருக்கிறது... 

- மு.முகமது பாட்சா