கோணாய்க் கூட்டம்

இரத்தக் களரியில் 
உதிரம் குடித்து நிற்கும் 
கோணாய்க் கூட்டத்தில்... 
சமாதானம் பேச 
வைரிகளின் தலைவன் 
வெண் கோடியேந்தி 
வருகிறானாம்! - மிருகாரி

விருந்துக்கு  அழைத்திருக்கிறான்...                             
சிறுத்தைகளின் துணையோடு! 
மான் கறி விருந்திற்கு 
நரிதான் சமையல்காரன்! 
கூட்டத்தைக் கூட்டிக் காட்ட 
குரங்கன்தான் பொறுப்பு! 
மாடுகளுக்கும் ஆடுகளுக்கும் 
இலவசமாய் 
புல்லுக் கட்டு வினியோகம்! 
ஓ நாய்கள் 
பல் துலக்குகின்றன... 
அடுத்த ஒரு விருந்திற்கு! 



- மு.முகமது பாட்சா