தேடல்

இல்லாதவிடத்தில் தேடிய 

முல்லாவிற்கு மட்டுமே தெரியும்

 

தேடுகின்ற எதுவுமே 

நாம் எடுத்துச் செல்வதில்லையென்று, 

கோடு போட்டு வாழ்பவன் 

கோடுகளை நகர்த்துகிறான்... 

ஆடையோடு எவனாவது -தன் 

அன்னை வயிற்றில் பிறக்கின்றானா? 

கோழைச்சளி சூழ்ந்த உடல் 

நாற்றமெடுத்த பிண்டம்தானே ! 

பாடுபட்ட சேர்த்தவெதுவும் 

பல்லாங்குழிகளில் தங்குவதில்லை... 

நாவின் ருசிக்கும் 

ஆசையின் சுவைக்கும் 

தூரமொன்றும் அதிகமில்லை. 

அடுத்தொரு ஆசை விழித்துக் கொண்டால் 

அம்மணமாய்க் கிடக்கும் உடல் ! 

- மு.முகமது பாட்சா