பம்பரம்

பம்பரம்

தில்லையாடிச் சிதம்பரமாய் 

ஒற்றைக்காலில் ஓரங்கம் 

நிற்காமல் சுழன்றாடி , 

நிற்கும் தரையில் குழிப்பறித்துச் 

சுற்றிப் பொரிக் கிளப்பி 

தலைக் கனம் வீழும் அவ்வேளையில், 

சுற்றம் பார்த்துத் தலைக்கவிழ்ந்து , 

ஆட்டம் அடங்கி அலையும் நேரத்தில் ; 

சாட்டை , அடுத்தொரு ஆட்டம் 

துவங்கும் களிப்பில் 

ஆட்டுவிப்பன் கைகளில் துள்ளியெழ 

சற்றே தலைச் சாயும் பம்பரம் ! 

- மு.முகமது பாட்சா