வாய்த்த அடிமைகள்

இரும்புக் கவசம் அணிந்த ஒருவன் 
சாதிய வாளை வீசுகிறான் , 
வீழ்கின்ற பிணங்கள் ஒவ்வொன்றும் 
சாட்சியில்லாமல் சாய்ந்து கிடக்கின்றன ,

கைப் பிடியில் 
அவன் கடவுளின் பெயர் ,

உதிரக் குளியலில் 
சொர்கம் இருப்பதாகச் சொல்கிறான் ,

அவனுக்கு வாய்த்த அடிமைகள் 
அதையும் பூசி மகிழ்கிறார்கள் ,

யோனிகளைக் கிழித்து ,கரு முட்டைகளில் 
ஆம்லெட் ருசிக்கிறார்கள் ,

ரத்தக் களரியில் சத்திர விருந்து , 

உலர்ந்த ரத்தங்களில் 
உரு மாற்றங்கள் நிகழ்கின்றன ,

வீழ்ந்த பிணங்களுக்கு, சிறகுகள் முளைக்கின்றன, 
புறாக்களில்லாத தேசத்தில் ,அவை 
கழுகுகளாக வட்டமடிக்கின்றன ,

இப்போது, 
கவசக்காரனின் வாள் பாம்பாக மாறுகிறது , 
கழுகொன்று வாகாய் அதனைக் கவ்விச் செல்ல..., 
கவசங்கள் உளுத்துக் கொட்டுகின்றன , 

மரணப் பயம் மண்டை முடியைப் பிடிச்சிழுக்க 
பிடறித் தெறிக்க ஓடும் அவனை, 
விரட்டித் தெறிக்கும் கழுகுகளின் கால்களி லெல்லாம் 
அவனுக்கென்றே வாய்த்த அழகிய அடிமைகள் ! 

- மு.முகமது பாட்சா