அவள் கனவில் ....

காதல் கனவுகளில் 
காமம் பயிற்றுவித்தவனை 
கட்டிலில் கழற்றிவிட்டு எழுந்தாள் , 
உள்ளாடைப் பிசுபிசுப்பின் 
அறுவெறுப்பில் 
ஆடியில் உமிழ்ந்து கொண்டால் ,
மாய வலையில் வீழ்வது 
வாடிக்கையாகி விட்டது , 
தூக்கம் தொலைத்த இரவின் வீக்கத்தை 
குளிர்ந்த நீரில் குளிப்பாட்டினாள் ,
தோசைச் சுடும் அலுப்பில் 
பிரட்டும் டீயும் போதுமானது , 
ஆடைகளை மாற்றும் போது 
மார்பகத்தை முட்டிப் பார்த்தக் கண்கள் 
நினைவிற்கு வந்து போகிறது , 
ஸ்கூட்டிதான் வாகன மென்றாலும் 
விரட்டிவர இரண்டு பேர் இருபார்கள் , 
அலுவலகத்தில்... 
வாட்ச் மேன் வணக்கத்தில் நழுவி 
உள்ளே விழுந்ததும் 
சுற்றிச் சுற்றி வருகின்றன சில ஈக்கள் ,
அதிகாரியின் அப்பா வயசை 
சந்தேகத்தில் 
அலசிப் போடும் மனக் குரங்கு ,
தெரிந்த விசயத்தை 
தெரியவில்லையென்று நிற்பான் சில பேர் , 
கண்கள் 
ஆடை நழுவிய இடங்களை 
ஆராய்ச்சிச் செய்யும் , 
அவள் கண்கள் மட்டும் உத்தமமில்லை , 
அவளுக்கான அவனை உரித்துப் பார்த்து ரசிக்கும்,
அவன்தான் அடிக்கடி அவள் கட்டிலில் 
இரவுகளைத் திருடி, காமம் கற்பிப்பவன் , 
காதலன் ஆவானா? கணவன் ஆவானா? 
காலம்தான் முடிவுச் செய்யும் , 
அவனுக்கும்  மனைவி மகள்கள் இருக்கலாம் ! 

- மு.முகமது பாட்சா